Tras unha longa temporada sen publicar, volto á acción para facer un resumo do que foi este primeiro mes de universidade.
Todos os libros que mencionei anteriormente no blog foron leidos, e de todos eles gardo un bo recordo, mais agora non dispoño de tempo suficiente para continuar as miñas lecturas.
Neste primeiro mes de adaptación universitaria, vénseme á cabeza varias cousas que estaría moi ben comentar, por exemplo, que a base que traía do instituto en física era máis que suficiente para o curso actual (sen comentar que se están aprendendo cousas novas) pero o que si que me gustaría haber tido mellor é unha base máis sólida e amplia en matemáticas, a ferramenta fundamental da que dispón un físico.
Gradientes, divergencias, rotores, integrais de linea e de superficie, combinatoria, e moitos máis termos matemáticos son empregados nas asignaturas de física, e gustariame haber tido máis contacto con eles anteriormente.
Pero en xeral, esta nova etapa da miña vida estame a resultar moi boa e gratificante, e opino con total seguridade, que esto era o que quería facer, sen lugar a dúbidas.
E bueno, xa deixando a un lado os tecnicismos, mencionar por exemplo que Gauss era un crack, e que os libros de Feynman, Lectures on physics, son os mellores que se poden empregar na carreira de física. Certo é que o curso non se asemella demasiado á orde que leva Feynman, certo é que nos seus libros non sae nnin un só exercicio, pero comenzar a leelos foi o mellor que puiden facer, pois estou a adquirir gran cantidade de conceptos fisicos, moi relevantes nun futuro próximo.
Mencionar tamén otra sorpresa que levei este curso. Os libros rusos da editorial URSS son moi recomendables para calqueira estudante, pois non custan moito e utilizan unha linguaxe clara e directa, sen irse polas ramas, e expresando o que queren decir de forma que o lector o entenda (cousa que non ocorre en todos os libros).
Por último, vou facer unha lista cos libros que máis estou a utilizar para esta carreira de física, sen descuidar os apuntes que tomo en clase:
- "Física" (3 volúmenes) de Richard Feynman.
- "Calculus" de Spivak.
- "Física" de Catalá (aproveito para agradecer ó meu profesor de física de 2º de bacharelato [creo que único lector deste blog...] que me regalara este libro, pois ainda que o temario está noutro orde, certas explicación esclarecéronme despois de ler este libro.
- "Electricidad y magnetismo" de Shepeliov (URSS).
- "Física para la ciencia y la tecnología" de Tipler.
- "Lecciones de matemática. Analisis" de V. Boss (URSS).
- "Introduction to linear algebra" de Strang.
- "Física" de Alonso y Finn.
Así como lecturas de apoio como libros de Lev Landau e outro xenios, que agora mesmo non recordo.
En definitiva, que estou moi contento con esta carreira e con todo o que estou a facer, sen dúbida, estudar física foi a mellor elección que puiden facer xamais.
E sen mais, un saúdo a todos.
Felicidades por estar contento coa elección, e grazas polo que me toca do demáis (e non me refiro ó libro)
ResponderEliminarpor certo, a editorial rusa antes era a MIR (paz, en Ruso), e se ben eran libros menos atractivos que os norteamericanos, eran dunha calidade didáctica moi boa.
En canto a Feynman, que dicir ...
O que me chama a atención é que aínda se use o Spivak.
Si, a verdade é que os libros rusos son bastante bos para o método de estudo que quero levar, pois leo as leccións de Feynman para coller conceptos e ideas, e utilizo os libros rusos para afianzar os coñecementos máis relevantes. É un bo método aínda que ó principio parece que un vai ó seu aire.
ResponderEliminarTamén están ben os videos de academicearth.org que non me lembrei de mencionar, Walter Levin explica moi claro e enténdese ben.
En canto ó Spivak, a verdade é que non está mal, aínda que hai que ter claro que é importante e que non, pero está moi ben.